અંકલેશ્વર એસ.ટી.ડેપોમાં એક અજાણ્યા ઇસમનો મૃતદેહ મળી આવ્યો

ભરૂચ જીલ્લાના અંકલેશ્વર ખાતે આવેલ જી.આઈ.ડી.સી વિસ્તારના એસ.ટી.ડેપો માં ગતા રાત્રીના રોજ એક અજાણ્યા ઇસમનો મૃતદેહ મળી આવ્યો હતો.

પ્રાપ્ત માહિતી અનુસાર ગતરોજ રાત્રીના સમયે એસ.ટી.ડેપો વિભાગમાં ફરજ બજાવતા વિપુલ પટેલનાઓ અંકલેશ્વર એસ.ટી ડેપોમાં હાજર હતા તે સમયે ડેપોમાં એક અજાણ્યો ઇસમ સાલ ઓઢીને સુતો નજરે પડ્યો હતો. તે સમયે તેને જોતા ડેપોના ડ્રાઈવરે ૧૦૮ ને જાણ કરી હતી. ૧૦૮ નાં કર્મચારીઓએ આવીને આ અજાણ્યા ઇસમને ચકાસતા તે મૃત હોવાનું જાહેર થયેલું હતું. ત્યારબાદ ડ્રાઈવર દ્વારા સિટી પોલીસ ને જાણ કરતા પોલીસે ઘટના સ્થળે આવી આ મરણ જનાર અજાણ્યા ઇસમ જેણે ગુલાબી કલરનો ચેક્સનો શર્ટ અને રાખોડી કલરનો પેન્ટ પહેરેલ છે તેની વિગતવાર ફરિયાદ લઈ વધુ તપાસ હાથ ધરેલ છે.