ભરૂચ જિલ્લાના અંકલેશ્વર પંથકમાં ક્રાઇમ બ્રાંચના કર્મીઓ પેટ્રોલિંગમાં હતા દરમ્યાન મળેલ બાતમીના આધારે અંકલેશ્વરના ચૌટા નાકાથી ગડખોલ પાટિયા તરફ શંકાસ્પદ ગોળ અને પાવડરનો જથ્થો લઈ એક ટેમ્પો જઈ રહ્યો હતો દરમ્યાન ક્રાઇમ બ્રાંચના કર્મીઓએ ટેમ્પો ચાલકની વોચ ગોઠવી હતી.
ક્રાઇમ બ્રાંચના કર્મીઓ વોચમાં હતા ત્યારે હસ્તી તળાવ નજીક એક ટેમ્પો નંબર GJ 16 AV 1106 ને રોકી તેની તલાસી લેતા તેમાંથી જોગરી પાવડર 1500 કિલો તેમજ 750 કિલો ગોળનો જથ્થો મળી આવ્યો હતો.
Advertisement
ક્રાઇમ બ્રાંચ દ્વારા મામલે કમલેશભાઈ ગિરધરભાઈ વસાવા રહે, મોદી ફળિયું, નવા કાંસિયા અંકલેશ્વર નાઓની ધરપકડ કરી તેની પાસેથી ટેમ્પો સહિત કુલ 1,45,500 નો મુદ્દામાલ કબ્જે કરી કાયદેસરની કાર્યવાહી હાથધરી હતી.
