અંકલેશ્વર ઈનરવ્હીલ કલબ દ્વારા મામલતદાર કચેરી ખાતે રક્ષાબંધનની ઉજવણી કરાઈ.

અંકલેશ્વર મામલતદાર કચેરી ખાતે રોટરી ક્લબની ભગીની સંસ્થા ઈનરવ્હીલ કલબ દ્વારા રક્ષાબંધન પર્વની ભાવપૂર્વક ઉજવણી કરવામાં આવી હતી.

ઈનરવ્હીલ કલબની બહેનો દ્વારા આ પ્રસંગે મામલતદાર કચેરીના સ્ટાફના સભ્યો તેમજ અધિકારીઓને પણ રક્ષા બાંધી હતી અને ઓવારણા લીધા હતા. આ પ્રસંગે મામલતદાર હાર્દિક બેલડીયા નાયબ મામલતદાર અલ્પેશ પરમાર તેમજ સર્કલ ઓફિસર ભરત પટેલ સહિત કર્મચારીઓ ઉપસ્થિત રહ્યા હતા.

ઈનરવ્હીલ કલબના પ્રમુખ સંધ્યા મિશ્રા ઉપરાંત રોટરી ક્લબના અને ઈનરવ્હીલ કલબના પૂર્વ પ્રમુખ અનિતા કોઠારી, સુષ્મા દેશપાંડે, યુવા સભ્ય મનીષા દુબે સહિત સભ્યો ઉપસ્થિત રહ્યા હતા અને તમામ કર્મચારીગણને રાખડી બાંધી તેઓને શુભેચ્છા પાઠવી હતી.

મામલતદાર ઓફિસના અધિકારીઓ તેમજ કર્મચારીઓ બહેનોની લાગણી જોઈને ભાવવિભોર થઈ ગયા હતા અને તેમને મોમેન્ટો આપવામાં આવ્યો હતો.