અંકલેશ્વર પંથકમાં ગત મહિને પણ ગાડીની ચોરીનો બનાવ સામે આવ્યો હતો તે જ રીતે વધુ એક કિસ્સો સામે આવ્યો છે.
બનાવ અંગે પોલીસ સૂત્રથી મળતી માહિતી અનુસાર ઇકોના માલિક અશોકભાઇ બાબરભાઈ મલસારીયા કે જેઓ રહે, ઝનોર હનુમાન ફળિયું, ભરૂચની ગાડીની ચોરી થવા પામી હતી. અશોકભાઇ 20 મી ઓગષ્ટના રોજ તેમના કાકાના છોકરાને અંકલેશ્વર ખાતે આવેલ ઓરેન્જ હોસ્પિટલમાં સારવાર માટે લઈ ગયા હતા અને ઇકો ગાડી હોસ્પિટલ નીચે જ પાર્ક કરી હતી.
તે બાદ 21 મી ઓગષ્ટના રોજ વહેલી સવારે 11 વાગ્યે તેઓ પોતાની ગાડી લઈ અને ભાડભૂત ખાતે કામ અર્થે ગયા હતા જે બાદ ફરીથી સ્ટેરિંગ લોક કરીને ઓરેન્જ હોસ્પિટલ નીચે ગાડી પાર્ક કરી હતી જે બાદ રાત્રિના સમયે હોટલમાં જમીને આવ્યા બાદ ગાડી તેની જ્ગ્યા પર જ હતી પરંતુ 22 મી ઓગસ્ટના રોજ સવારે પાંચેક વાગ્યે જોતાં ગાડી તેની જગ્યા પર ન હોવાથી આસપાસ તપાસ કરતાં ગાડી ગુમ થયેલ હોવાનું જણાયું હતું.અશોકભાઈએ અંકલેશ્વર શહેર પોલીસ સ્ટેશનમાં જાણ કરતાં તાપસ અર્થે તજવીજ હાથ ધરવામાં આવી હતી.
મુકેશ વસાવા : અંકલેશ્વર
