અંકલેશ્વર આદર્શ બુનિયાદી શાળા ખાતે વિદ્યાર્થીનીઓ માટેની વિવિધ સ્પર્ધા યોજાઇ.

અંકલેશ્વર નગર પાલિકા સંચાલિત આદર્શ બુનિયાદી શાળા ખાતે ઈનરવ્હીલ ક્લબ ઓફ અંકલેશ્વર દ્વારા વિદ્યાર્થીનીઓ માટે વિવિધ સ્પર્ધાનું આયોજન કરવામાં આવ્યું હતું.

ઈનરવ્હીલ ક્લબ દ્વારા આદર્શ બુનિયાદી શાળા ખાતે વિદ્યાર્થીનીઓ માટે મહેંદી ચિત્ર સ્પર્ધા સાદી રેતી સહિતની વિવિધ સ્પર્ધાનું આયોજન કરવામાં આવ્યું હતું, જેમાં 125 વિદ્યાર્થીનીઓએ ભાગ લીધો હતો. આ પ્રસંગે ઈનરવ્હીલ ક્લબના સંધ્યા મિશ્રા, દક્ષાબેન તેમજ અંકલેશ્વર નગરપાલિકાના માધ્યમિક શિક્ષણ સમિતિના ચેરમેન કિંજલબા ચૌહાણ વિશેષ ઉપસ્થિત રહ્યા હતા. આ ઉપરાંત શાળાના શિક્ષકો તેમજ આચાર્યએ પણ વિદ્યાર્થીનીઓને પ્રોત્સાહન પૂરું પાડ્યું હતું.