અંકલેશ્વર રાજપીપળા ચોકડી પાસે ચોરીના ઇરાદે આવેલ બે ઇસમો ઝડપાયા.

ગતરોજ અંકલેશ્વર રાજપીપળા ચોકડી ઉપર ઇકો ગાડી લઈને આવેલ સુરતના બે ઇસમો શંકાસ્પદ હાલતમાં ફરે છે, જે સબબ અંકલેશ્વર શહેર પોલીસને બાતમી મળી હતી. મળેલ બાતમી મુજબની જગ્યા પર આવતા એક સફેદ કલરની ઇકો ગાડી જેનો RTO રજીસ્ટ્રેશન નંબર GJ-05-RA-0398 હોય જેને કોર્ડન કરી કારમાં બે ઇસમો હોય તેઓને નીચે ઉતારી ઇકો ગાડીમાં તપાસ કરતાં પાછળની સીટ પર લોખંડની હથોડી, લોખંડનો પાઇપ, ગિલોલ તથા લોખંડનો સળિયો મળી આવેલ જે બાબતે ઇસમોને પૂછપરછ કરતાં સંતોષકારક જવાબ આપેલ નહીં. તેઓ પાસે બિલ કે આધાર પુરાવા માંગતા મળી આવેલ નહીં. બંને આરોપીઓ (1) યોગેશ રામજીવન જયશવાલ (2) રવિભાઈ મહેશભાઇ જીલેકર બંને રહે.સુરત નાઓ પાસેથી કુલ મુદ્દામાલ રૂ.3,00,000 નો કબ્જે કર્યો છે. તેઓ ચોરી કરવાના ઈરાદા સાથે આવ્યા હોવાનું જણાતા પોલીસે તેમની અટક કરી કાયદેસરની કાર્યવાહી હાથધરી છે.