ગુજરાતમાં જેમ જેમ વિધાનસભાની ચૂંટણીઓ નજીક આવતી જાય છે તેમ તેમ રાજ્ય સરકાર સામે વિવિધ પડતર પ્રશ્નોને લઇ અલગ અલગ વિભાગના કર્મચારીઓએ જાણે કે છેલ્લા કેટલાક સમયથી આંદોલનનું વાવઝોડું ફૂંકયું હોય તેવી સ્થિતિનું સર્જન થયું છે, એક સાંધેને તેર તૂટે તેવી બાબતો આજ કાલ રાજ્ય સરકાર સમક્ષ આવી ઉભી છે.
તેવામાં આજરોજ અંકલેશ્વર તાલુકા સેવાસદન કચેરી ખાતે ફરજ બજાવતા આઉટસોસિંગ ઓપરેટર, ડ્રાઇવર સ્ત્રીઓ તેમજ પટાવાળા એક સાથે મળી કુલ ૩૫ કર્મચારીઓએ અચોક્કસ મુદતની હડતાળ ઉપર જવાનું નક્કી કરી ભારે સૂત્રોચ્ચાર કર્યા હતા.
આઉટ સોસિંગ કર્મચારીઓની વિવિધ માંગણી જેવી કે સમાન કામ સમાન વેતન સરકારી કર્મચારીઓ સુધીને મળતા મેડિકલ કવર એલટીસી જેવા સરકારના વિવિધ લાભો તમામ આઉટસોર્સિંગથી ફરજ બજાવતા કર્મચારીઓને પણ મળે તેવી માંગ સાથે આજે કર્મચારીઓએ ભેગા થઇ પોતાની વ્યથા વ્યક્ત કરી હતી, સાથે જ તેઓની માંગણીઓ વહેલી તકે નહિ સંતોષવા આવે તો અચોક્કસ મુદ્દતની હડતાળ પર ઉતરી જઈ તેઓ તથા તેઓના પરિવારજનો સરકાર વિરુદ્ધ મતદાન કરશે તેવી ચીમકી પણ ઉચ્ચારવામાં આવી હતી.
હારુન પટેલ : ભરૂચ
મો. : 99252 22744
