અંકલેશ્વર ખાતે વર્ષોથી શૈક્ષણિક ક્ષેત્રે કાર્યરત મણીલાલ હરિલાલ કડકીયા કોલેજ અને એજ્યુકેશન કેમ્પસે 2023-24 થી એમસીએ કોર્સની શરૂઆત કરી છે.
અમદાવાદની ગુજરાત ટેકનીકલ યુનિવર્સિટી અને નવી દિલ્હીની AICTE દ્વારા આ કોર્સ માન્યતા આપવામાં આવી છે. આ કોર્સની શરૂઆતથી અંકલેશ્વર ઉપરાંત ભરૂચ જિલ્લાના અંકલેશ્વર તાલુકાના અને નર્મદા જિલ્લાના વિદ્યાર્થીઓને પણ તજજ્ઞ શિક્ષકો દ્વારા ઉચ્ચતમ શિક્ષણ મળશે એવી અપેક્ષા રાખવામાં આવી રહી છે.
આ અંગે કડકીયા ચેરીટેબલ ટ્રસ્ટના મેનેજિંગ ડિરેક્ટર શ્યામ કડકિયાએ જણાવ્યું હતું કે ભરૂચ જિલ્લામાં ક્યાંય પણ માત્ર કોમ્પ્યુટર એપ્લિકેશનની કોલેજ હતી નહીં. વર્ષોથી લોકોની માંગ હતી એટલે આ માન્યતા પ્રાપ્ત કરીને અમે આ કોર્સની શરૂઆત કરી છે જેથી જિલ્લાના વિદ્યાર્થીઓને અને વિદ્યાર્થીનીઓને સૌથી વધુ સવલત મળશે.
કોલેજના અને એમસીએ વર્ગના પ્રિન્સિપાલ ડોક્ટર પુરવ તલાવિયા એ જણાવ્યું હતું કે સારામાં સારું શિક્ષણ આપવું એ અમારું ધ્યેય છે. ભરૂચ જિલ્લામાં અંકલેશ્વરમાં આ કોર્સની શરૂઆત થઈ એ દરેક માટે એક સૌથી સારો અને અનુભવ મળશે. આ જ ડિગ્રી લઈને ભરૂચ જિલ્લાની ઔદ્યોગિક વસાહતોમાંથી લઈ દરેક જગ્યાએ એમને નોકરીની સવલતો ઊભી થશે એ જ અમારું ધ્યેય છે.
