ભરૂચ જિલ્લાના અંકલેશ્વર જીઆઈડીસી વિસ્તારમાં આવેલ કેડીલા ફાર્માસ્યુ્ટિકલ કંપનીમાં ગત તારીખ 09/07/2023 ના રોજ કંપનીમાંથી પેલેડીયમ ચારકોલ કેટાલિસ્ટ પાવડરની ચોરી થઈ હોવાની ફરિયાદ પોલીસ ચોપડે નોંધાઈ હતી, જે બાદ મામલે પોલીસે તપાસના ધમધમાટ શરૂ કર્યા હતા.
જીઆઈડીસી પોલીસની તપાસમાં કંપનીમાં કામ કરતા કર્માચારીઓની સંડોવણી બાહર આવી હતી, જ્યાં કંપનીમાં કામ કરતા ફેનિલકુમાર નટવરભાઈ પટેલ રહે, સાંઈ સુમન રેસીડેન્સી હાંસોટ રોડ અંકલેશ્વર નાને દેવું વધી જતા તેણે તેની સાથે મિત્ર વિકાસ કુમાર સુરેશભાઈ પટેલ રહે, વાસ્તુ વીલા સોસાયટી હાંસોટ રોડ નાની મદદગારીથી કંપનીમાં રહેલ પેલેડીયમ ચારકોલ કેટાલિસ્ટ પાવડરની ચોરી કરી ફેનિલ પટેલે પોતાના મકાનના ઉપરના રૂમમાં સંતાડી દીધો હતો.
ભરૂચ ક્રાઇમ બ્રાંચના કર્મીઓને મળેલ બાતમીના આધારે પોલીસે બંનેના ઘરે દરોડા પાડ્યા હતા જ્યાં તેઓ હાજર મળી આવતા બંનેની ધરપકડ કરી તેઓ પાસેથી ચોરીમાં ગયેલ પાવડર, આઇફોન, બુલેટ મોટર સાયકલ સહિત કુલ 14,91,000 નો મુદ્દામાલ કબ્જે કરી કાયદેસરની કાર્યવાહી હાથધરી છે.
