અંકલેશ્વરની રાજપીપલા ચોકડી પાસે અકસ્માત બાદ બાઈક ચાલકે કન્ટેનર ચાલક પાસે ખર્ચો માંગવાના બહાને બળજબરી કરી પર્સ ઝૂંટવી લીધું હોવાના આક્ષેપ કર્યા છે.

મળતી માહિતી અનુસાર કન્ટેનર નંબર-આર.જે.14.જી.એચ.7380 નો ચાલક રાહુલભાઈ વડોદરાથી અંકલેશ્વર ખાતે આવી રહ્યો હતો. તે દરમિયાન રાજપીપલા ચોકડી નજીક ટર્ન લઈ રહ્યો હતો તે વેળા બાઈક ચાલક કન્ટેનરના પાછળ ભટકાયો હતો અકસ્માત સર્જાયા બાદ બાઇકને નુકસાન થયું હોવાનું જણાવી હાંસોટના બાઈક સવાર કિરણકુમાર મગનભાઈએ કન્ટેનર ચાલક પાસે ખર્ચો લીધો હતો અને બળજબરી કરી રોકડા રૂપિયા 6 હજારથી વધુની રોકડ ભરેલ પર્સ અને દસ્તાવેજો ઝુંટવી લીધા હોવાના કન્ટેનર ચાલકે આક્ષેપ કરી પોલીસ ફરિયાદ નોંધાવવાની તજવીજ હાથ ધરી છે.