અંકલેશ્વરના વાલિયા રોડ સ્થિત આદિત્યનગર નજીક આજરોજ સવારે એક ટ્રકનો ચાલક ટ્રક રિવર્સ કરતો હતો તે વેળાએ એક એકટીવાને અડફેટે લઈ લેતા એકટીવા ટ્રકના પાછળના ટાયરોમાં ચગદાઈ ગયું હતું. જોકે એકટીવા સવાર મહિલાનો અદભુત બચાવ થવા પામ્યો હતો.
અંકલેશ્વરનાં ભડકોદરા ગામના આદિત્યનગર પાસે આજરોજ સવારે એક ટ્રકના ચાલકે રિવર્સ કરતી વેળાએ ધ્યાન ન રાખતા પાછળના ભાગેથી આવતી એક મહિલા એકટીવા ચાલકને અડફેટે લઈ લીધી હતી. જોકે મહિલા એકટીવા ચાલકે સમયસૂચકતા વાપરી એકટીવા ઉપરથી નીચે ઉતરી ગઈ હતી. જોકે ટ્રકના પાછળના બંને ટાયરો વચ્ચે એકટીવા સેન્ડવીચ બની ગઈ હતી. ધટના સ્થળનો વિડિયો જોઈએ તો માલુમ પડે કે આ અકસ્માતમાં મહિલા ચાલકનો ચમત્કારી બચાવ થવા પામ્યો હતો. આ ધટના બાદ જોકે ટ્રક ચાલકને આસપાસના લોકોએ પકડી લીધો હતો અને બાદમાં જીઆઇડીસી પોલીસને સોંપવાની તજવીજ હાથ ધરી હતી.
Advertisement
