અંકલેશ્વર શહેર પોલીસે માંડવા ગામે પત્તા-પાનાનો જુગાર રમતાં સાત જુગારીઓને ઝડપી પાડી 10 હજાર ઉપરાંતનો મુદામાલ કબ્જે કર્યો.

અંકલેશ્વર શહેર પોલીસ ગતરોજ પેટ્રોલિંગમાં હતી તે દરમ્યાન બાતમીના આધારે માંડવા ના ટેકરી ફળીયામાં રેડ કરી પત્તા-પાનાનો જુગાર ખેલતા સાત શખ્સોને ઝડપી પાડ્યા હતા. પોલીસે વિજય સોમા વસાવા, અજય વાઘેલા, પરેશ રામસીંગ વસાવા, ભીખા રણછોડ પટેલ, પ્રવીણ સૂકા વસાવા, રાજેશ કાંતિ પટેલ, તેમજ ઉમેશ ખંડુ ચૌહાણ નામના શખ્શોની અટકાયત કરી તેમની વિરુદ્ધ જુગાર ધારા કલમ 12 મુજબ કાયદેસરની કાર્યવાહી હાથ ધરી હતી.