અંકલેશ્વર : તા.4 નાં રોજ ચોરી થઈ હતી તેના ઇસમને CCTV ફૂટેજનાં આધારે ઓળખીને તેને પકડી અંકલેશ્વર શહેર પોલીસનાં હવાલે કર્યો.

તાજેતરમાં તા.4-10-2020 નાં રોજ અંકલેશ્વરનાં ગડખોલ વિસ્તારમાં હારમોની હાઈટસ બિલ્ડીંગમાં મકાન નં.204 માં ચોરીનો બનાવ બન્યો હતો.

જેમાં 18 હજાર રોકડ રકમની ચોરી થઈ હતી અને ઘરે પરત આવતા ચોરી થયાનું માલૂમ પડયુ હતું. આ ચોરીનાં CCTV ફૂટેજ હતા જે મકાન માલિક ફારૂક ઈસ્માઈલ પટેલે જોયા હતા જે બારીમાંથી ઘરમાં પ્રવેશી ચોરી કરી ફરાર થઈ ગયો હતો, CCTV માં દેખાતા હુડીયા પ્રમાણનાં ઈસમ રસ્તામાં જણાતા ફારૂકે પોતે તેને ઝડપી પોલીસનાં હવાલે કર્યો હતો. ચોરી કરનાર ઈસમની તપાસ કરતાં તેનું નામ હર્ષદ માંગ તન્ના રહે. રાજકોટ હોવાનું જણાયું હતું. આ બનાવ અંગે અંકલેશ્વર શહેર પોલીસ વધુ તપાસ કરી રહી છે.