31 ડીસેમ્બરને હવે ગણતરીના દિવસો બાકી રહી ગયા છે. ત્યારે નવા વર્ષની ઉજવણી ની દારૂ થકી મજા માણતા નબીરાને દારૂ પહોંચાડવા માટે બુટલેગર પણ સક્રીય થયા છે. જિલ્લામાં સક્રિય બનેલ બુટલેગરોને ઝડપી પાડવા માટે હવે પોલીસે પણ કમર કસી છે. આજરોજ અંકલેશ્વર શહેર પોલીસે બાતમીના આધારે અંદાડા રોડ ઉપર વાધીવાળા પાસેથી ઈંગ્લીશ દારૂના ભરી પસાર થતી ઈકો ગાડી આરટીઓ રજિસ્ટ્રેશન નંબર:-GJ-15-CJ-3724 ને રોકી તપાસ કરતા ગાડીમાંથી 180 તેમજ 750 ML ની વિવિધ બ્રાન્ડની ઈંગ્લીશ દારૂની બોટલ નંગ:252 જેની કુલ કિંમત રૂ 28,800 તથા એક ફોરવીલ ઈકો ગાડી જેની કિંમત રૂપિયા 3 લાખ મળી કુલ કિંમત રૂપિયા 3,28,800 ના મુદ્દામાલ સાથે ગાડી ચાલક સરફરાજ ઈમ્તિયાઝ ઉસ્માન ગની શેખ ઉમર વર્ષ 26, રહે જમાઈ મોહલ્લા, જુના મામલતદાર કચેરી પાછળ, અંકલેશ્વરને ઝડપી પાડી તેના વિરોધ પ્રોહિબિશન એક્ટ કલમ મુજબ ગુનો નોંધી વધુ તપાસ આરંભી છે.
