અંકલેશ્વરમાં એક જ વરસાદમાં તંત્રની પોલ ખુલી : જલારામ ફાટકના જાહેર માર્ગો ઉપર લીપાપોથીની કામગીરીથી વાહન ચાલકોને હાલાકી.

અંકલેશ્વર સિટી અને જી.આઇ.ડી.સી ને જોડતા જલારામ ફાટકના જાહેર માર્ગો ઉપર લીપાપોથીનું કામ ચાલુ કરવામાં આવ્યું હતું. અંકલેશ્વરમાં થોડા થોડા વરસાદમાં જ તંત્રની પોલ ખુલી હતી. રસ્તાઓ પર માત્ર કપચી જ પાથરી હોવાના આક્ષેપો લાગવામાં આવ્યા હતા, હાલ વરસેલ ભારે વરસાદને પગલે જાહેર માર્ગો ધોવાઈ જતાં બિસ્માર બન્યા છે.

અંકલેશ્વર શહેરમાં આવેલ વિવિધ રાજમાર્ગો પ્રથમ વરસાદમાં જ ધોવાઈ જતાં તંત્ર દ્વારા લીપાપોથીની કામગીરી હાથ ધરી છે. અંકલેશ્વર શહેરમાં હાલ વરસેલ ભારે વરસાદને પગલે જાહેર માર્ગો ધોવાઈ જતાં બિસ્માર બન્યા છે. માર્ગો પર મસમોટા ખાડાઓ પડી જવાથી વાહન ચાલકોને હાલાકી વેઠવાનો વારો આવ્યો છે ત્યારે સફાળા જાગેલ તંત્રએ બિસ્માર માર્ગના પેચવર્ક કામગીરી હાથ ધરી છે ત્યારે માર્ગ પર લીપાપોથી જ થતાં વાહન ચાલકોમાં કચવાટ જોવા મળી રહ્યો છે ત્યારે તંત્ર દ્વારા યોગ્ય મટિરિયલ વાપરવામાં આવે તે અત્યંત જરૂરી છે.