ભારત જેવા દેશમાં ગાયને માતાનું બિરુદ આપવામાં આવ્યું છે પરંતુ ક્યાકને ક્યાક હજી પણ ગાયોના કતલ કરીને તેમનું ગૌ માંસ વેચે છે તે ખરેખર શરમજનક બાબત છે. એવી જ એક ઘટના ભરૂચ જિલ્લાના અંકલેશ્વર ખાતેથી સામે આવી છે, છેલ્લા ઘણા સમયથી ભરૂચ જિલ્લા અને તેની હદ્દ વિસ્તારમાં ભેંસો અને ગાયોને કતલખાને લઈ જતાં ટેમ્પોને પોલીસ તંત્ર દ્વારા હસ્તગત કરવામાં આવ્યા છે. પરંતુ હવે અંકલેશ્વર ખાતે એક ઇસમે ઘરેથી જ ગૌ હત્યા કરી વેચાણ કરતાં અંકલેશ્વર રૂરલ પોલીસે ઘરપકડ હાથ ધરી છે.
બનાવ અંગે મળતી માહિતી મુજબ આરોપી (1) સહેજાદ સમદ દીવાન રહે. પાનોલી ટાંકી ફળિયું તા.અંકલેશ્વર (2) ફારૂકશાહ અસલમશાહ દીવાન રહે. કરમાડ ગામ નવીનગરી બૂમા કોલોની નાઓ પોતાના ફાયદા માટે ગેરકાનૂની રીતે ગૌવંશોનું કતલ કરીને માંસનું પોતાના ઘરેથી વેચાણ કરી રહયા હતાં જેઓના ઘર પર અંકલેશ્વર રૂરલ પોલીસે રેઇડ કરતાં સ્થળ પરથી 500 ગ્રામ જેટલુ ગૌ માસ સહિત કતલના ઇરાદે વપરાયેલ સાધનો પૈકી 3 કુહાડી જેની કિમત 300 રૂપિયા સહિત નાની મોટી 13 જેટલી છરીઓ જેની કિમત 325/- સાથે મોટા છરા જેની કિમત 300/- મળી કુલ 925/- નો મુદ્દામલ કબ્જે કરીને બે આરોપીઓની ધરપકડ કરવામાં આવી હતી.
મુકેશ વસાવા, અંકલેશ્વર
