અંકલેશ્વર જી.આઇ.ડી.સી સ્થિત પટેલ સમાજની વાડીનાં પ્રાંગણમાં ગતરોજ સાંજે ગુજરાત કક્ષાનો ફેશન શો યોજાયો.

અંકલેશ્વર ખાતે ગતરોજ સાંજે નાઈન કલર્સ ઇવેન્ટ કંપનીના નેજા હેઠળ ગુજરાત ટોપ મોડેલ ફેશન શો નું આયોજન હાથ ધરાયું હતું, જેમાં રાજ્યભરના વિવિધ જિલ્લાના વિજેતા સ્પર્ધકોએ ઉત્સાહભેર ભાગ લીધો હતો. મિસ્ટર, મિસીસ, મિસ તેમજ કિડસ એમ અલગ અલગ કેટેગરીના સ્પર્ધકોએ ફાઇનલ શોમાં ભાગ લીધો હતો. આ ફેશન શોમાં નિર્ણાયકો તરીકે પૂર્વ મિસ ઈન્ડિયા ઉન્નતિ પરમાર, મિસ્ટર ઇન્ડિયા રજત ખત્રી ખાસ ઉપસ્થિત રહ્યા હતા. ફેશન શોનાં આયોજકો શ્યામ પટેલ તેમજ કાશ્મિરા ઝાલાવાડીયા સહિત અન્ય મહાનુભાવોએ દીપ પ્રગટાવી ફેશન શોનો પ્રારંભ કર્યો હતો. અંતે વિજેતા મોડેલોને એવોર્ડથી સન્માનિત કરાયા હતા.