દિનેશભાઇ અડવાણી
સુત્રોના આધારે પ્રાપ્ત માહિતી અનુસાર જાણવા મળ્યું હતું કે સમની ગામના રહેવાસી જીગરભાઈ ભરતભાઇ પટેલ સાંજના 4 વાગ્યે ટ્રેક્ટર લઈ સમનીથી ક્રુઝ લોઇડ કંપનીના જુના ખંડેર કવટર્સ લાલ બંગલા પાસે આવેલ ખેતરે જતા હતા ત્યાં કાચા રસ્તા તરફ બાવળની ઝાડીમાં રસ્તાની બાજુમાં એક માનવ ખોપરી તથા માનવ શરીરનું કંકાલ ,કપડાં જોતા તેમણે ટ્રેક્ટર ઉભું રાખી નીચે ઉતરી જોતા રસ્તાની બીજી બાજુ એક લીલા તથા કાળા કલરની મુસ્લિમ ટોપી તથા કોફી કલરના રબરના બુટની જોડી તેમજ એક લાલ કલરનો હાથ રૂમાલ પડેલો જોતા તેમણે આમોદ પોલીસ ને જાણ કરી હતી. આમોદ પોલીસે તેનો કબજો લઈ તેની આગળની કાર્યવાહી હાથ ધરી હતી.
01/05/19 ના રોજ દેરોલ ગામના રહેવાસી મુસા બાજીસા દીવાન જેઓ સમની ગામેથી ગુમ થયેલા હતા તેમનુંજ આ ખોપરી, કંકાલ છે તેમ મળેલ કપડાં અને અન્ય પુરાવાના આધારે લોકોમાં ચર્ચાઈ રહ્યું છે.
