દિનેશભાઇ અડવાણી
હાલ સમગ્ર ગુજરાત કાળઝાળ ગરમી અને પાણીની તંગીની સમસ્યાનો સામનો કરી રહ્યું છે.પાણીની તંગીના કારણે ખેડૂતો મુસીબતમાં મુકાયા છે અને આ વર્ષે સારો વરસાદ થાય તેવી પ્રાર્થના કરી રહ્યા હતા ત્યારે નેત્રંગની સીમમાં આવેલા એક ખેતરમાં ટીટોડીએ ચાર ઈંડા મુક્યા હતા.ખેડૂતોએ ટીટોડીના ઇંડા જોઈ સારો વરસાદ થવાનો વર્તારો મળ્યો હોય એમ આનંદ વ્યક્ત કર્યો હતો.નેત્રંગ રાજપાડી રોડ પરના વીજ કંપનીના સબસ્ટેશન પાછળ ભૂતપૂર્વ પંચાયત સભ્યના ખેતરમાં ટીટોડીએ જમીન પર ચાર ઈંડા મુકતા આસપાસના ખેતરોના ખેડૂતો આ વર્ષે ચોમાસુ સારું રહેશે તેવું અનુમાન વ્યક્ત કર્યું હતું.હાલ સમગ્ર પંથક પાણીની તીવ્ર તંગીથી પરેશાન છે.
Advertisement
