દિનેશભાઇ અડવાણી
ભરૂચ જિલ્લા પોલીસ વડા રાજેન્દ્રસિંહ ચુડાસમાની સુચના અને માર્ગદર્શન મુજબ નાસતા ફરતા આરોપીઓને પકડવાની ઝુંબેશ અન્વયે એસ.ઓ.જી ભરૂચના પો.સ.ઇ કે.એમ.ચૌધરી તથા પો.સ.ઇ એસ.એન.ગોહિલ તથા એસ.ઓ.જી પોલીસ માણસો એ.ટી.એસ ચાર્ટર મુજબની કામગીરીમા હતા તે દરમિયાન પોલીસ કોન્સ્ટેબલ અનિરુદ્ધસિંહ રણજીતસિંહને મળેલ અંગત બાતમી આધારે ભરૂચ બી-ડિવિઝન પોલીસ સ્ટેશન ગુ.રુ.નંબર I ૧૪૬/૧૯૯૫ ઇ.પી.કો કલમ ૪૬૭,૪૬૮ મુજબના ગુનાનો નાસતો ફરતો આરોપી મુસા ઈસપ અલ્લી સોજરા ઉંમર વર્ષ 72 મૂડ રહે,અકુજી સ્ટ્રીટ કંથારીયા તા.જી ભરૂચ હાલ રહે લાડાશેરી રૂવાપરી રોડ ભાવનગર જેને તારીખ ૧૩/૬/૨૦૧૯ ના રોજ શેરપુરા ચોકડી પાસેથી પકડી પાડી સી.આર.પી.સી કલમ ૪૧(૧૨)આઈ મૂજબ ધરપકડ કરી આગળની કાર્યવાહી કરવા ભરૂચ બી-ડિવિઝન પોલીસ સ્ટેશનને સોંપવામાં આવેલ છે.ઉપરોક્ત કામગીરી એ.એસ.આઈ નટવરભાઈ મગનભાઈ,હેડ કોન્સ્ટેબલ રવિન્દ્રભાઈ નૂરજીભાઈ,હેડ કોન્સ્ટેબલ વરશનભાઇ શંકરભાઈ,પોલીસ કોન્સ્ટેબલ અનિરુદ્ધસિંહ રણજીતસિંહ,પો.કો રાહુલભાઈ રાયજીભાઈ,પો.કો મહંમદ ગુફરાન મોહમદ આરીફ દ્વારા ટીમવર્કથી કરવામાં આવી હતી.
