અંકલેશ્વરની લ્યુપીન લિમિટેડ કંપનીને ASQ તરફથી સિલ્વર પ્રાઈઝ પ્રાપ્ત થયું.

અંકલેશ્વરની લ્યુપીન લિમિટેડ કંપનીને અમેરિકન સોસાયટી ફોર ક્વોલિટી-ASQ તરફથી સિલ્વર પ્રાઇઝ એનાયત કરવામાં આવ્યું.

ASQ દ્વારા અમદાવાદ સ્થિત નિરમા યુનિવર્સિટી ખાતે તાજેતરમાં એક સ્પર્ધાનું આયોજન કરવામાં આવ્યું હતું. જેમાં અંકલેશ્વરની અગ્રગણ્ય ફાર્માસ્યુટિકલ કંપની લ્યુપીન લિમિટેડના DJE હર્ષલ, કુલદીપ તથા તેમની ટીમ દ્વારા પ્રસ્તુત કરાયેલ કેસ સ્ટડી પેપરને સિલ્વર પ્રાઇઝ એનાયત થયું છે. આ કેસ સ્ટડી પેપર અમેરિકા સ્થિત ASQ બુકમાં પ્રકાશિત થશે. ગત વર્ષે પણ આજ કોમ્પિટિશનમાં લ્યુપીન કંપનીની ટીમે પ્રથમ પ્લેટીનીયમ પ્રાઇઝ મેળવ્યું હતું. આ સિદ્ધિ બદલ લ્યુપીન લિમિટેડ કંપનીના વાઇસ પ્રેસિડેન્ટ ડી.એમ.ગાંધીએ સમગ્ર ટીમને અભિનંદન પાઠવ્યા હતા.