ભરૂચ નગરના સોનેરી મહેલથી ચકલા તરફ જવાના મુખ્ય રસ્તા પર આવતા ભોઇવાડ વિસ્તારમાં નગરપાલિકાએ વચ્ચોવચ ખાડા પાડી દીધા છે.ભૂગર્ભ ગટર યોજના અંગે આ રસ્તા ખોદી નાખવામાં આવ્યા હતા.પરંતુ ગટર-ભુંગળા નખાય ગયા પછી કોન્ટ્રાક્ટરોએ રસ્તો સમતલ ન કરતા માત્ર માટીનું પુરાણ કરતા સમસ્યાઓ સર્જાય છે.રસ્તા પર પડેલા ખાડાના કારણે વાહન ચાલકોએ પોતાના વાહનો સંભાળીને લઈ જવા પડે છે.જ્યારે પાણી ખાડામાં ભરાતા નર્કાગાર સમાન પરિસ્થિતિનું સર્જન થયું છે.નગરપાલિકા તંત્ર દ્વારા આવા ખાડાઓ અંગે લાંબા સમયથી કોઈ કામગીરી ન કરાતાં લોકોમાં રોષની લાગણી જણાઈ રહી છે.
Advertisement
