ભરૂચના બંબાખાના વિસ્તારના બહુચરાજી ઓવારા પાસેની ઘટના
। ભરૂચ ।
ભરૂચ બી ડિવિઝન પોલીસ સ્ટેશનનો સ્ટાફ ઓફિસમાં કાર્યરત હતો. તે વેળાં ચોક્કસ બાતમી મળી હતી કે, બંબાખાના વિસ્તારમાં બહુચરાજી ઓવારાની બાજુમાં આવેલાં સ્મશાન ભુમીના સામે ભુતમામાના મંદિર ની આગળ ખુલ્લી જગ્યામાં કેટલાંક જણાએ જુગારની મહેફિલ જમાવી છે. જેના આધારે ટીમે તુરંત એક્શનમાં આવી સ્થળ પર દરોડો પાડયો હતો. સ્થળ પર ચાર જુગારિયાઓ જુગાર રમતાં હોવાનું જણાતાં ટીમે તમામને સ્થળ પરથી ઝડપી પાડી તેમની પુછપરછ કરતાં તેમના નામ રાજેશ નટવરલાલ મિસ્ત્રી,મલ્કેશ કરશન મિસ્ત્રી, કેતન મુકેશ મિસ્ત્રી તેમજ રતીલાલ છીતાભાઈ મિસ્ત્રી હોવાનું માલુમ પડયું હતું. ટીમે દાવપર લાગેલાં તેમજ ઝડપાયેલાં જુગારિયાઓની અંગઝડતીમાંથી મેળવેલાં મળી કુલ ૩ હજારથી વધુની રોકડ જપ્ત કરી તમામ વિરુદ્ધ જુગારધારા હેઠળ ગુનો નોંધી આગળની કાયદેસરની કાર્યવાહીહાથ ધરી છે.
