આજે મહિલા દિન : મહેનત, હિંમત અને લક્ષ્યનો ત્રિવેણીસંગમ થાય તો સફળતાં મળે

મારી માતા મારી પ્રેરણા સ્ત્રોત છે, તેમણે અમારા માટે ખુબ યોગદાન આપ્યું છે : પ્રકૃતિ સકાટ- પોલીસ ઈન્સ્પેક્ટર

અમે ગીરસોમનાથના કોડિનારના વતની છીએ. મારા પિતા ત્યાં સરકારી વેટરનરી ડોક્ટર છે. ધો. ૧૦સુધી ત્યાં જ અભ્યાસ કર્યો હતો. જે બાદ ૧૧-૧૨ સાયન્સ હોસ્ટલમાં રહીને કર્યું હતું. જે બાદ ઈલેક્ટ્રીક ઈન્જીનિયરિંગ કર્યું છે. ૨૦૧૭માં ગ્રેજયુએશન કર્યું તે સમયે જ જીપીએસસીએ પોલીસ ભરતી બહાર પડી હતી જેમાં પહેલી ટ્રબલમાં જ ૨૦૧૮માં પરીક્ષા પાસ કરી પહેલું પોસ્ટીંગ ભાવનગરમાં લીધું હતું. જે બાદ ર૦રરથી ભરૂચ જિલ્લામાં પોસ્ટીંગ છે જેમાં પહેલાં મહિલા પોલીસ સ્ટેશન બાદમાં દહેજ મરીન, ભરૂચ તાલુકા પોલીસ સ્ટેશન અને બાદમાં જિલ્લા ટ્રાફીકમાં ફરજ બજાવી રહી છું. અમે ત્રણ સંતાન હોઈ અમારી માતા ગાંધીનગર રહીને અમને ભણાવતી હતી. પિતા કોડિનાર  ખાતે જ રહેતાં હતાં. માતાએ તેમનું આખુ જીવન અમે ત્રણ સંતાનોમાં પુરૂ કરી નાંખ્યું.

મારા સાસુ શિક્ષક હતાં અને તેમનું જ સ્વપ્ન હતું કે હું ક્લાસ વન અધિકારી બનુ : મનીષા મનાણી-એસડીએમ, ભરૂચ.

મારો જન્મ સુરતનો છે પણ અમે મુળ જામનગરના છીએ. સુરતમાં જ પ્રાથમિક શિક્ષણ મેળવ્યું છે. જે બાદ બારડોલીની માલીબા ફાર્મસી કોલેજમાંથી બીફાર્મ કર્યું અને ગાંધીનગરની નેશનલ ઈન્સ્ટીટ્યુટ ઓફ કોર્પોરેટ મેનેજમેન્ટ ( એનઆઈસીએમ)માંથી એમબીએ કર્યું હતું. જીપીએસસી યુપીએસસીની તૈયારી પહેલેથી કરતી જ હતી. દરમિયાનમાં ડેપ્યુટી સેક્શન ઓફિસર (ડીવાયએસઓ)ની પરીક્ષા પાસ કરી સચિવાલયમાં પહેલી નોકરી કરી હતી. જોકે, મારા સાસુ કે જે શિક્ષક હતાં તેમણે પહેલેથી જ મને દરેક પ્રકારનો સપોર્ટ કર્યો અને તેમણે જ મને એક ધ્યેય આપ્યો કે ક્લાસ વન ઓફિસ૨ બનવાનું છે. તેમના સ્વપ્નને સાકાર કરવા માટે મેં પણ મહેનત કરીને પરીક્ષા પાસ કરનાં ડેપ્યુટી કલેક્ટરમાં મારુસિલેક્શન થયું. પહેલું જ પોસ્ટીંગ ભરૂચ જિલ્લામાં મળ્યું છે. મારા જિવનમાં મારા સાસુ ધ્રુવના તારા જેવા છે. તેઓ મને સતત માર્ગદર્શન આપતાં રહે છે.