ભરૂચ જિલ્લાની દહેજ જીઆઇડીસીમાં આવેલી ઈજેક લિમિટેડ કંપનીમાં ગેસ લીકેજને ધટનામાં એક કામદારનું મોત નિપજતા અરેરાટી વ્યાપી જવા પામી હતી. દહેજ જીઆઇડીસીની ઇજેક લિમિટેડ કંપનીમાં આજરોજ સવારે ઉત્પાદન પ્રક્રિયામાં દરમિયાન પ્રેસર વેસલ પ્લાન્ટમાં ગેસ લીકેજની ધટના બની હતી. આ સમયે ભરૂચના શેરપુરા ગામનો રહીશ તોફિક ઐયુબ ખીલજીને ગેસની ઝેરી અસર લાગતાં તે બેશુદ્ધ બન્યો હતો. જોકે કંપનીના સત્તાધીશો તેને તાત્કાલિક અસરથી ભરૂચની ખાનગી હોસ્પિટલમાં સારવાર અર્થે ખસેડાયો હતો, પરંતુ ટૂંકી સારવાર દરમિયાન તેનું મોત નીપજ્યું હતું.આ ઘટનાને પગલે મૃતકના પરિવારજનો સહિત ગ્રામજનોમાં શોકની લાગણી પ્રસરી જવા પામી હતી.
Advertisement
