ભરુચ
ભરૂચ તાલુકામાં આવેલાં નવેઠા ગામે પાસે શુક્રવારે બપોરના સમયે એક કાર ચાલકે કોઈ કારહાસર સ્ટિયરીંગ પરનો કાબુ ગુમાવતાં તેની કાર જીએફએલ કંપનીની બસની નીચે ઘુસાડી દીધી હતી. પટનામાં ચાલકને ગંભીર ઈજાઓ થઈ હતી. કાર આખી અંદર ફસાઈ ગઈ હોવાને કારણે જેસીબીની મદદથી કારને બહાર કાઢવાની કવાયત હાથ ધરાઈ હતી.
ભરૂચના દહેજ રોડ પર શુક્રવારે નવેઠા ગામે પાસે અકસ્માત સર્જાયો હતો. જેમાં એક કારના ચાલકે પોતાની કાર પુરઝડપે અને ગફલત ભરી રીતે હંકારી લાવી હતી. દરમિયાનમાં નવેઠા ગામ પાસે કાર ચાલકે જીએફએલ કંપનીની બસમાં પડાકાભેર પોતાની કાર અથાડી દેતાં તેની કાર બૂમાં અંદર ઘુસ ગઈ હતી. કારનો અડધો ભાગ બસમાં ફસાઈ જવાને કારણે ચાલક પણ અંદર જ ફસાઈ ગયો હતો. ઘટનાને પગલે બસમાં સવાર કંપનીના કર્મીઓએ તુરંત નીચે ઉતરી રેસ્કયુ માટેની કવાયત શરુ કરી હતી. કારને કાઢવા માટે તેમણે જેસીબી બોલાવી હતી. જે બાદ જેસીબીથી પેનકેન પ્રકારે કારને બહાર કાઢી હતી. ઈજાગ્રસ્તને સારવાર માટે ભરૂચ સિવિલ હોસ્પિટલ ખાતે ખસેડવાની કવાયત હાથ ધરવામાં આવી હતી. જોકે, ચાલક બેભાન હોવાને કારણે હજી તેનું નામઠામ જાણી શકાયું ન હતું.
