ભરૂચ તાલુકાના ઉમરા અને નબીપુર ગામ નજીક વરસાદી કાંસમાંથી દંપતીને બાળક મળી આવતા તેણે પોલીસને જાણ કરી બાળકને સારવાર અર્થે ભરૂચ સિવિલ હોસ્પિટલમાં ખસેડવામાં આવ્યો છે.

ભરૂચ તાલુકાના નબીપુર અને ઉમરા ગામમાંથી પસાર થતાં વરસાદી કાંસમાં કોઇ જનેતાએ પોતાનું તાજુ જન્મેલું બાળક વરસાદી કાંસની ગટરમાં મૂકીને ચાલી ગઇ હતી ત્યાંથી પસાર થતા એક દંપતીને બાળકનો રડવાનો અવાજ સંભળાતા તેમણે વરસાદી કાંસમાં જઈને જોતા તાજુ જન્મેલું બાળક રડી રહ્યું હતું આથી તેમણે આજુબાજુ તપાસ કરતાં કોઈ નહીં દેખાતા બાળકને પોતાની પાસે લઈ નબીપુર પોલીસને જાણ કરી હતી નબીપુર પોલીસ દોડી આવીને તાત્કાલિક ધોરણે બાળકનો કબજો લઇ તેને સારવાર અર્થે ભરૂચ સિવિલ હોસ્પિટલમાં ખસેડવામાં આવ્યું હતું અને પોલીસે આ સંદર્ભે ફરિયાદ દાખલ કરી આ માતાની તપાસ શરૂ કરી છે