શુકલતીર્થ ગામે મહિલા બુટલેગર 70 હજાર ઉપરાંતનો દારૂ વેચતા ઝડપાઈ.

ભરૂચ તાલુકાનાં શુકલતીર્થ ગામે મહિલા બુટલેગર દારૂ વેચતી હોવાની માહિતી નબીપુર પોલીસને મળતા પોલીસે રેડ કરતાં 70 હજારનાં વિદેશી દારૂ સાથે મહિલા બુટલેગરને પોલીસે ઝડપી લીધી હતી. ભરૂચ જીલ્લામાં દારૂબંધીનાં કડક અમલ કરવા બુટલેગરો ઉપર બાતમીદારોને લગાવી દઈને દારૂ પકડવામાં આવી રહ્યા છે. જેને પગલે જીલ્લા પોલીસ વડાને મળેલી પાકી માહિતીને પગલે DYSP વાધેલાને તે અંગે માર્ગદર્શન આપીને નબીપુર પોલીસને શુકલતીર્થ ગામે રેડ કરવાનું જણાવી પોલીસે પાકી બાતમીને આધારે રેડ કરતાં સવિતા રતિલાલ માછીનાં ઘરનાં અંદરના રૂમમાંથી ભારતીય બનાવટનો પ્રતિબંધિત દારૂની બોટલો જુદા જુદા બ્રાન્ડની 703 નંગ કિંમત રૂ.70,300 નો મુદ્દામાલ મળી આવતા સવિતાબેન માછીની અટક કરી નબીપુર પોલીસ મથકમાં આ અંગે ગુનો દાખલ કરીને દારૂ કયાંથી લાવી સપ્લાયર કોણ છે તેની તપાસ પોલીસે હાથ ધરી છે.