ભરૂચનાં નબીપુર પોલીસે દારૂ ભરેલી મહેન્દ્ર ઝાયલોનો પીછો કરતાં પોલીસે જીપ સહિત લાખ ઉપરાંતનો દારૂ મળી કુલ રૂ.6 લાખ ઉપરાંતનો મુદ્દામાલ કબ્જે કરી તપાસ શરૂ કરી છે.

ભરૂચનાં નેશનલ હાઇવે ઉપર દમણ-મુંબઈ તરફથી બુટલેગરો દ્વારા વિદેશી દારૂ મંગાવવામાં આવે છે. ત્યાં આજે ભરૂચ તાલુકાનાં નબીપુર પોલીસ મથકનાં PSI એ બાતમીને આધારે વોચ ગોઠવી હતી. તે દરમ્યાન GJ-05-CS-5657 ને રોકવાનો ઈશારો કરતાં મહેન્દ્ર ઝાયલો જીપના ચાલકે પોલીસને જોઈ ભગાડતાં નબીપુર પોલીસે પણ તેનો પીછો કરતાં રસ્તામાં જ જીપનાં ચાલક જીપ મૂકી ભાગી છૂટયા હતા. આ અંગે જીપમાં તપાસ કરતાં જુદી-જુદી બ્રાન્ડની વિદેશી દારૂની બોટલ 730 નંગ કિંમત રૂ.2,20,500 મળી આવી હતી. પોલીસે જીપ કિંમત રૂ.4 લાખ મળી કુલ રૂ.6,20,000 નો મુદ્દામાલ કબ્જે કરી ફરાર બે ઇસમો સામે ફરિયાદ દાખલ કરી આગળની વધુ તપાસ હાથ ધરી છે.