ભરૂચ જીલ્લામાં વાદળછાયું વાતાવરણ ધુમ્મસને પગલે ઠંડક પ્રસરી.

ભરૂચ જીલ્લાનાં વાતાવરણમાં એકાએક પલટો આવતા સવારથી આકાશમાં કાળા દિબાંગ વાદળો ધેરાયા હતા અને સવારથી જ ધુમ્મસભર્યું વાતાવરણ હતું. ભરૂચ જીલ્લામાં છેલ્લા કેટલાક દિવસોથી વાતાવરણમાં પલટો આવી રહ્યો છે. દિવસ દરમ્યાન ગરમી તો રાત્રીનાં ઠંડક જોવા મળે છે. બે-ત્રણ દિવસથી વાતાવરણમાં બેવડી ઋતુ એટલે કે શિયાળો અને ઉનાળાની ઋતુનો અનુભવ લોકો કરે છે. હાલમાં 35 ડિગ્રીએ તાપમાનનો પારો પહોંચતા લોકો પરસેવે રેબઝેબ થયા હતા. જયારે બે-ત્રણ દિવસથી જીલ્લાનાં વાતાવરણમાં પલટો આવ્યો છે જેમાં આજે સવારથી જ જીલ્લાનાં આકાશ ઉપર કાળા દિબાંગ વાદળો ધેરાયા હતા અને જીલ્લામાં સવારથી જ ધુમ્મસભર્યું વાતાવરણને પગલે સૂર્ય વાદળો પાછળ છુપાતા જીલ્લામાં શીત લહેર દોડી હતી. વાતાવરણ ઠંડુ થઈ ગયું હતું એટલું જ નહીં પણ ધુમ્મસને કારણે વાહન ચાલકોને લાઇટો ચાલુ રાખીને વાહન ચલાવવાની ફરજ પડી હતી. જીલ્લામાં આજે શીત લહેર દોડી જતાં લોકોને ગરમીથી રાહત થઈ હતી.