ભરૂચ : સુપર માર્કેટ ખાતે ઈલેકટ્રોનિકની દુકાનમાં આગ લાગી, ફાયર વિભાગે કાબુ મેળવ્યો.

બનાવ અંગેની જાણવા મળતી માહિતી મુજબ આજરોજ બપોરનાં સમયે ભરૂચનાં સુપર માર્કેટ ખાતે આવેલ એક ઇલેક્ટ્રોનિકની દુકાનનાં મીટરોમાં અચાનક આગ ભભૂકી ઉઠતા દોડધામ મચી હતી, ઘટના અંગેની જાણ ભરૂચ નગર પાલિકાનાં ફાયર વિભાગને કરવામાં આવતા ફાયરનાં લશ્કરોએ સ્થળ ઉપર દોડી જઇ પાણીનો મારો ચલાવી આગ ઉપર કાબુ મેળવ્યો હતો. પ્રાથમિક અનુમાન મુજબ શોર્ટ સર્કિટનાં કારણે મીટરમાં આગ લાગી હોવાનું માનવામાં આવી રહ્યું છે.