અંકલેશ્વર ગોલ્ડન બ્રિજ ખાતેથી વિમલ, ગુટખા અને તંબાકુના જથ્થા સાથે ભરૂચનાં એક વ્યક્તિની ઇનોવા કાર સાથે ધરપકડ.

ગત રાત્રીના સમયે ગોલ્ડન બ્રિજનાં અંકલેશ્વર તરફનાં છેડે પોલીસનાં જવાનો ચેકીંગમાં હતા દરમિયાન ભરૂચનાં નાના નાગોરીવાડ વિસ્તારમાં રહેતા સિકંદર દાઉદ ખોટીયા નામનો ઇસમ ઇનોવા ગાડી નંબર GJ.16.DG-8090 લઈ ગડખોલ પાટિયાથી ભરૂચ તરફ આવી રહ્યો હતો. દરમિયાન પોલીસે ગાડીને રોકી તલાસી લેતા તેમાંથી વિમલ, પાન મસાલા, ગુટખાનાં ૪૩૨ તેમજ તંબાકુનાં ૪૩૨ પાઉચ મળી ૯૫ હજારનો મુદ્દામાલ સાથે ઇનોવા ગાડી મળી કુલ ૩ લાખ ૯૫ હજાર ઉપરાંતનો મુદ્દામાલ કબ્જે કર્યો હતો.