ભરૂચ ના કસક ગરનાળા વિસ્તારમાં ગત રાત્રીના સમયે એક ટ્રેલર ફસાઈ જતા ભારે ટ્રાફિક જામ ના દ્રશ્યો સર્જાયા હતા…

ભરૂચ શહેરના કસક ગરનાળામાં શુક્રવારે રાત્રીના નવ વાગ્યાના અરસામાં ટ્રેલર ફસાઇ જતાં ટ્રાફિકજામ થઇ ગયો હતો. હાલ ગરનાળાની ઉપર ફલાયઓવર બની રહયો હોવાથી લોખંડની એંગલોના કારણે ગરનાળુ સાંકડુ બની ગયું છે તેવામાં ટ્રેલર ફસાઇ જતાં કસકથી સ્ટેશન તરફ આવતા વાહનચાલકો અટવાઇ ગયાં હતાં. આ વાહનો રોંગ સાઇડમાં ઘુસી જતાં સ્ટેશનથી કસક જતાં વાહનો પણ ફસાઇ ગયાં હતાં. કસક ગરનાળામાંથી ભારદારી વાહનો પર પ્રતિબંધ છે.