ભરૂચની ભીડભંજન ખાડી નજીક જાહેરમાં જુગાર રમતા ૧૦ શકુનીઓ ઝડપાયા.

ભરૂચ શહેરનાં ભીડભંજનની ખાડીમાં હારજીતનો જુગાર રમતા 10 શકુનીઓને ભરૂચ બી ડિવિઝન પોલીસ મથકનાં પોલીસ અધિકારીએ રેડ કરી ઝડપી લીધા હતા. હાલ લોકડાઉન છે ચાર લોકો ભેગા નહીં થવાની સૂચના હોવા છતાં લોકો ટાઈમપાસ કરવા પાના પત્તાનો જુગાર રમે છે. ભરૂચ બી ડિવિઝન પોલીસ મથકના પી.આઇ વી.બી.કોઠિયાને મળેલી બાતમીને આધારે પોલીસ સ્ટાફ સાથે ભીડભંજન ખાડી પાછળનાં ખુલ્લા મેદાનમાં પાના પત્તાનો જુગાર રમી રમાડવામાં આવે છે. તેવી બાતમીના આધારે રેડ કરતાં ૧૦ જેટલા શકુનિઓ જાહેરમાં જુગાર રમતા ઝડપાયા હતા. પોલીસે તમામ 10 લોકોની અટક કરીને કુલ રૂપિયા 34,500 નો મુદ્દામાલ કબજે કર્યો હતો. પોલીસે જુગારધારાની કલમ સહિત નેશનલ ડિઝાસ્ટર મેનેજમેન્ટ એક્ટ કલમ 51(બી) તથા જી.પી.એકટ 139 આ અંગે તમામ લોકો સામે ભરૂચ બી ડિવિઝન પોલીસ મથકમાં ગુનો દાખલ કરીને આગળની વધુ તપાસ પી.આઇ કોઠીયા ચલાવી રહ્યા છે.