ભરૂચ જિલ્લામાં કોરોના વાયરસનાં પોઝિટિવ કેસનો આંક સતત ઊંચકાઈ રહ્યો છે. આજરોજ ભરૂચ જિલ્લામાં વધુ 14 કોરોના પોઝિટિવ કેસ નોંધાતા ભરૂચમાં કોરોના પોઝિટિવ કેસનો આંક 232 પર પહોંચી ગયો છે. અંકલેશ્વરમાં 6, ભરૂચમાં 3 અને જંબુસરમાં 4, વાગરામાં 1 કોરોના પોઝિટિવ કેસ નોંધાયો છે. ભરૂચ અને જંબુસર બાદ હવે અંકલેશ્વરને પણ કોરોના વાયરસએ બાનમાં લીધું છે. અનલોક એકમાં કોરોના વાયરસનાં પોઝિટિવ કેસનો ગ્રાફ સતત ઊંચકાઈ રહ્યો છે. ગતરોજ ભરૂચ જિલ્લામાં આઠ જેટલા કોરોના પોઝિટિવ કેસ નોંધાયા હતા ત્યારે આજે ફરી એકવાર ભરૂચ જિલ્લામાં 14 કોરોના પોઝિટિવ કેસ નોંધાયા છે. અત્રે ઉલ્લેખનીય છે કે ભરૂચ અને જંબુસર બાદ હવે અંકલેશ્વરને પણ કોરોના વાયરસએ બાનમાં લીધું છે.
Advertisement
