ભરૂચ જિલ્લામાં દિન પ્રતિદિન કોરોના વાયરસનાં દર્દીઓમાં મહા વધારો થઈ રહ્યો છે ત્યારે આજે ભરૂચ જિલ્લામાં કુલ 22 જેટલા કેસો નોંધાતા જિલ્લામાં કુલ સંખ્યા 333 ઉપર પહોંચી ગઇ છે.

ભરૂચ જિલ્લામાં દિનપ્રતિદિન કોરોના વાયરસનાં દર્દીઓમાં સતત વધારો થઈ રહ્યો જેમાં અનલોક 1 અને અનલોક 2 માં જિલ્લામાં કોરોના દર્દીઓનો આંકડો 200 કરતાં પણ વધુ પાર કરી ગયો છે. ભરૂચ જિલ્લામાં જંબુસર, અંકલેશ્વર અને ભરૂચ શહેર તાલુકો હોટ સ્પોટ બની ગયા છે. તાલુકાઓમાં રોજ રોજ કોરોનાથી સંક્રમિત થનારા લોકોની સંખ્યા વધી રહી છે. સંક્રમિત થનારા લોકોમાં મોટાભાગે બહારથી આવીને રહેતા અને સંક્રમિત પીડિત લોકોનાં સંપર્કમાં આવ્યા બાદ સંક્રમણ થતા આવા લોકોની સંખ્યા છેલ્લા એક સપ્તાહમાં સો કરતાં પણ વધુ થઈ ગઈ છે. ભરૂચ જિલ્લામાં હોટ સ્પોટ શહેર તરીકે જંબુસર, ભરૂચ અને અંકલેશ્વર શહેર તાલુકામાં સંક્રમિત થનારા લોકોની સંખ્યા વધુ છે. આજે 22 કેસોમાં અંકલેશ્વરમાં 9, ભરૂચમાં 7, આમોદમાં 3, વાલિયામાં 1, જંબુસરમાં 1, હાંસોટમાં 1 મળી કુલ 22 લોકો સંક્રમિત થયા છે. આરોગ્ય તંત્ર દ્વારા થતી કામગીરીમાં લોકોનો સાથ મળતો નથી તેવું પણ જણાઈ રહ્યું છે. કેટલાક લોકો હજી પણ માસ્ક ધારણ કરતા નથી, સોશીયલ ડિસ્ટનસ પણ રાખતા નથી, બહારગામનાં રહીશો અવરજવર કરી રહ્યા છે. આમ જિલ્લામાં સંક્રમિત લોકોની સંખ્યા 333 ઉપર પહોંચી ગઇ છે.