ભરૂચનાં ત્રિમૂર્તિ હોલ સામે ખુલ્લા કોમન પ્લોટમાં કારમાંથી વિદેશી દારૂ ઝડપી એક આરોપીની અટકાયત કરવામાં આવી.

ભરૂચ સીટી પોલીસએ બાતમીનાં આધારે ત્રિમૂર્તિ હોલ સામે કોમન પ્લોટ વિસ્તારમાં કારમાંથી વિદેશી દારૂનો જથ્થો ઝડપી પાડયો હતો. પોલીસે વિદેશી દારૂ, કાર, અને મોબાઈલ મળી કુલ રૂ 1.30 લાખની મતા ઝડપી પાડી એક આરોપીની અટક કરી હતી.વિદેશી દારૂ ઝડપાવા અંગેનાં આ બનાવની વિગત જોતા મળેલ બાતમી મુજબ ભરૂચ સીટી પોલીસે ભરૂચ જિલ્લા પોલીસ વડા રાજેન્દ્ર સિંહ ચુડાસમાની સૂચના અનુસાર અને સીટી પોલીસ એ ડિવિઝનનાં પી.આઈ એકે ભરવાડનાં માર્ગદર્શન હેઠળ વોચ ગોઠવતા બાતમીનાં વર્ણન મુજબની કાર ત્રિમૂર્તિ હોલ સામેનાં કોમન પ્લોટમાં આવતા તેની તપાસ કરતા કારમાંથી વિદેશી દારૂની બોટલ નંગ 52 મળી આવી હતી. કાર સાથે આવેલ ઈસમની તપાસ કરતા તે જીગ્નેશ ઉર્ફે સચિન સુરેશ છત્રીવાલા રહે. અંબિકા નગર હોવાનું જણાયું હતુ. પોલીસે વિદેશી દારૂ, કાર, અને મોબાઈલ મળી કુલ રૂ 1.30 લાખની મતા જપ્ત કરી આરોપી જીગ્નેશ છત્રીવાલાની અટક કરી વધુ તપાસ શરૂ કરેલ છે.