ભરૂચ નગરમાં થતી વિદેશી દારૂની હેરફેરી અને વેપલા અંગે કડક કાર્યવાહી કરવા અંગે ડી.વાય.એસ.પી. રાજેન્દ્રસિંહ ચુડાસમાએ સૂચના આપતા એલ.સી.બી. નાં પી.આઇ. જે.એન.ઝાલા તેમજ તેમના સ્ટાફનાં અધિકારીઓએ જુદી જુદી ટીમ બનાવી કાર્યવાહી કરી હતી. જે પૈકી એ.એસ. ચૌહાણ અને તેમની ટીમ બી ડિવીઝન વિસ્તારમાં પેટ્રોલીંગમાં હતી ત્યારે મળેલ બાતમી પ્રમાણે ઘાસ મંડાઇ મસ્જિદ પાસેથી સિપાઈવાડમાં અસલમ મલેકની ઓટોરિક્ષામાં વિદેશી દારૂનાં 3 બોક્ષ મળી આવ્યા હતા. રિક્ષા અને વિદેશી દારૂ મળી કુલ રૂ.64,000 કરતાં વધુની મત્તા પોલીસે જપ્ત કરી હતી અને એક આરોપીની અટકાયત કરી હતી. આ અંગેની વધુ તપાસ બી ડિવીઝન પોલીસ કરી રહી છે.
Advertisement
