ભરૂચ તાલુકાનાં વગુષણા નજીક એલ.પી.જી. ગેસ ભરેલ ટેન્કર પલટી ખાઈ ગયું હતું.

ભરૂચ નજીકથી પસાર થતાં રાષ્ટ્રીય ધોરીમાર્ગ પર વગુષણા નજીક એલ.પી.જી. ગેસ ભરેલ ટેન્કર પલટી ખાઈ ગયું હતું. મળતી માહિતી મુજબ યુ ટર્ન લેતી વખતે ટેન્કર પલટી ખાઈ ગયું હતું. જોકે આ ઘટનામાં કોઈ જાનહાનિ થઈ ન હતી. ટેન્કરમાં એલ.પી.જી. ગેસ હોવાના પગલે ઘટનાની જાણ થતાં જ ભરૂચ ફાયરબ્રિગેડ તાત્કાલિક ઘટના સ્થળે પહોંચી ગયું હતું અને જરૂરી કાર્યવાહી કરી હતી. ફાયરબ્રિગેડએ ટ્રાફિક બંધ કરી અકસ્માતગ્રસ્ત વાહન ખસેડવા માટે વધુ કાર્યવાહી કરી હતી. આ બનાવ અંગે નબીપુર પોલીસ વધુ કાર્યવાહી કરી રહી છે.