ભરૂચ પોલીસતંત્ર દ્વારા નાસતા ફરતા આરોપીને ઝડપી પાડવા અંગે ઝુંબેશ ચાલી રહી છે. જેના અનુસંધાને ભરૂચ પેરોલ ફર્લો સ્કોડને મળેલ બાતમીનાં આધારે અંકલેશ્વર શહેર પોલીસ વિસ્તારમાં પેટ્રોલિંગમાં હતા તે દરમિયાન બાતમી મુજબની જગ્યા પર નાસતા ફરતા આરોપી અક્ષય ઉર્ફે એલેક્ષ ઉર્ફે લાલુ ગોપાલભાઈ પટેલ રહે. સાંઇ દર્શન સોસાયટી રાજપીપળા ચોકડી, અંકલેશ્વરને ઝડપી પાડવામાં આવ્યો હતો. આ આરોપી અંકલેશ્વર શહેર પોલીસ સ્ટેશનનાં પ્રોહિબિશનનાં ગુનામાં વોન્ટેડ હતો. આરોપીને કોરોના ટેસ્ટ કરાવવા તેમજ આગળની તપાસ કરાવવા અંકલેશ્વર શહેર પોલીસને સોંપવામાં આવેલ છે.
Advertisement
