ભરૂચનાં ભોલાવ વિસ્તારમાં આવેલ આકાશગંગા સોસાયટીમાં ભર બપોરે 12 વાગે ચપ્પુની નોક પર લૂંટ થઈ હોવાનો બનાવ બન્યો હતો. આ બનાવ અંગે મળતી વિગત મુજબ આકાશ ગંગા સોસાયટીમાં આવેલ મકાનનાં બીજા માળે લૂંટનો બનાવ બન્યો હતો. જ્યાં મુંબઈથી આવેલ અવની ઠક્કર બાથરૂમમાંથી બહાર આવતા બાથરૂમની બારીમાંથી પ્રવેશ કરી 20 થી 22 વર્ષની ઉંમર ધરાવતા બે લૂંટારુઓએ અવનીને ચપ્પુની નોક પર રાખી કબાટમાંથી 30 તોલા સોનુ અને રોકડા નાણાંની લૂંટ કરી હતી. લૂંટારુઓએ કાળી બુકાની ધારણ કરી હોવાથી આંખો સિવાય કઈ જોઈ શકાયું ન હતુ. ઇજા ગ્રસ્ત અવનીને ખાનગી હોસ્પિટલમાં સારવાર અર્થે દાખલ કરવામાં આવેલ છે. વધુ તપાસ સી ડિવિઝન પોલીસ કરી રહી છે.
Advertisement
