સાઉથ આફ્રિકામાં ભારત અને તે પણ ગુજરાત રાજયનાં લોકો પર વારંવાર હુમલાઓ કરવામાં આવે છે. લૂંટનાં ઇરાદે આ હુમલા થતાં હોવાનું સ્પષ્ટપણે સાબિત થાય છે. તાજેતરમાં નિગ્રોનાં લૂંટારુઓએ ભરૂચનાં યુવકની કાર પાસે આવી ફાયરિંગ કર્યું હતું અને તેને ગન પોઈન્ટ પર લૂંટી લેવાયો હતો. ભરૂચનાં વોરા સમની ગામનાં અક્રમ કોઠા શોપિંગ માટે નીકળ્યા હતા ત્યારે લૂંટારુઓએ તેમનો પીછો કર્યો હતો તેમજ અક્રમનાં કોણીનાં ભાગે ફાયરિંગ કરી ઇજા પહોંચાડી લૂંટ કરી હતી. આ ઘટનાનાં CCTV વિડીયો વાઇરલ થયા હતા. અગાઉ પણ આવી ઘણી ઘટનાઓ બનતા ભરૂચનાં સામાજીક કાર્યકર અબ્દુલ કામઠીએ આવેદનપત્ર પાઠવી વિદેશમાં વસતા ભરૂચ જીલ્લાનાં લોકોને રક્ષણ પૂરું પાડવા અંગે ભારત સરકારને અપીલ કરી હતી પરંતુ આ અપીલનું કોઈ પરિણામ આવ્યું ન હોય તેમ ઉપરાચાપરી હુમલાનાં બનાવો બન્યા કરે છે.
Advertisement
