ભરૂચ નજીક રાષ્ટ્રીય ધોરીમાર્ગ પર આવેલ નોવર્સ હોટલ સામે અકસ્માતનાં બનાવમાં એક પોલીસ કર્મચારીનાં પુત્રનું મોત નીપજયાં હોવાનો બનાવ બન્યો હતો. આ અંગેની વિગતો જોતાં સી ડીવીઝન પોલીસ સુત્રોનાં જણાવ્યા અનુસાર અને ઈશ્વર અંબાલાલ પટેલની ફરિયાદ મુજબ તેઓ અંકલેશ્વર ટ્રાફિક સ્કોર્ડમાં એ.એસ.આઇ. તરીકે ફરજ બજાવે છે. તેમનો મોટો દીકરો ભાવિન ઉં.26 તેના મિત્ર હર્ષ હેમંતભાઈ પટેલ રહે. હાજીખાના બજાર, ભરૂચ નાઓ આ બંને જણ મોટરસાઇકલ પર વડોદરા ગયા હતા ત્યાંથી પરત ફરતા મોટરસાયકલ હર્ષ પટેલ ચલાવી રહ્યો હતો ત્યારે ભાવિન પાછળની સીટ પર બેઠો હતો તેવામાં ચાલુ ગાડીએ ભાવિન પડી જતાં પાછળથી આવતી ફોરવ્હીલ ગાડીની અડફેટે આવતા ભાવિનને ગંભીર ઇજા પહોંચવાથી તેનુ ઘટના સ્થળે મોત નીપજયું હતું. બનાવની તપાસ સી ડીવીઝન પોલીસ કરી રહી છે.
Advertisement
