ભરૂચ જીલ્લામાં છેલ્લા 15 દિવસથી અનેક જગ્યાએ અગમ્ય કારણોસર વાહનમાં આગ લાગવાની ઘટના વધી રહી છે. 15 દિવસમાં આવા 7 બનાવો બની ચૂકયા છે. તેમ છતાં સદભાગ્યે હજી કોઈ વ્યક્તિનો જીવ ગયો નથી. ભરૂચનાં મકતમપુર વિસ્તારમાં એક મારૂતિ વાનમાં આગ લાગી હતી ત્યારથી આવા બનાવો શરૂ થઈ ગયા છે. ત્યારે હાલમાં ગઇકાલે લિંક રોડ પર મોડી રાત્રિનાં સમયે રોડ પર ચાલુ કારમાં અગમ્ય કારણોસર આગ લાગતાં દોડધામનો માહોલ સર્જાયો હતો. પરંતુ આ કારમાં એક જ કુટુંબનાં 4 વ્યક્તિનો આબાદ બચાવ થયો હતો. ફાયરબ્રિગેડ દ્વારા સમયસર ઘટના સ્થળે પહોંચી જતાં આગ પર કાબૂ મેળવ્યો હતો. આ ઘટનામાં કોઈ જાનહાનિ થવા પામી ન હતી. પરંતુ ભરૂચ જીલ્લામાં આવા અગમ્ય કારણોસર આગ લાગવાના બનાવો એક પછી એક બની રહ્યા છે જે ચિંતાનો વિષય છે.
Advertisement
