ભરૂચ : ઝાડેશ્વર રોડ પર ટ્રકની ટાંકી લીકેજ થતાં ઓઇલ રસ્તા પર ઢોળાયું.

ભરૂચનાં ઝાડેશ્વર રોડ પર બસ સ્ટેન્ડ નજીક મુખ્ય માર્ગ પર એક ટ્રકની ટાંકી લીકેજ થતાં ઓઇલ રસ્તા પર ઢોળાતા વાહન ચાલકોને મુશ્કેલીનો સામનો કરવો પડયો હતો.

ભરૂચનાં ઝાડેશ્વર નજીક પાર્ક કરેલી ટ્રકની ટાંકી લીકેજ થતાં સમગ્ર માર્ગ ઉપર ઓઇલ ઢોળાયુ હતું. આ ઢોળાયેલા ઓઇલને સમેટવાની કામગીરી પણ ટ્રક ચાલકો દ્વારા કરાઇ હતી પરંતુ સમગ્ર માર્ગ ઉપર પ્રસરેલા ઓઇલનાં કારણે વાહનચાલકોએ સાવચેતીથી વાહન ચલાવવું પડયું હતું. અચાનક ટ્રકની ટાંકી લીકેજ થતાં રસ્તાઓમાં ઓઇલ ઢોળાતા સમગ્ર રસ્તામાં વાહન ચાલકોને પડી જવાનો ભય હોય તેમજ વહેલી તકે ઓઇલ સમેટવાની કામગીરી હાથ ધરાઇ હતી.