આજે વિશ્વ આરોગ્ય દિન નિમિત્તે ભરૂચ કોંગ્રેસનાં સંદીપ માંગરોલા, દિનેશ અડવાણી અને અન્ય આગેવાનોએ સિવિલ હોસ્પિટલની મુલાકાત લીધી.

– દર્દીઓને પડતી હાલાકી તેમજ કોવિડ-19 નાં ટેસ્ટ વિશેની વિગતો મેળવી ઉચ્ચ કક્ષાએ રજૂઆત કરી.

આજે વિશ્વ આરોગ્ય દિન નિમિત્તે કોંગ્રેસી કાર્યકરો, આગેવાનોએ સિવિલ હોસ્પિટલે કોવિડ-19 નાં દર્દીઓના સગાઓની રૂબરૂ મુલાકાત લીધી હતી. અને સિવિલ હોસ્પિટલે કરેલ વ્યવસ્થાનો ચિતાર મેળવાયો હતો. આ તકે ઇન્જેકશનની અછત તેમજ RTPCR નાં ટેસ્ટની તલસ્પર્શી વિગતો મેળવી દર્દીઓને કોઈપણ પ્રકારની તકલીફ ના વેઠવી પડે તેવી પણ કામગીરી થાય તેવી માંગ કરી હતી. સરકાર દ્વારા 3 લાખથી વધુ ઇન્જેકશની ખરીદી કરવામાં આવશે. ઇન્જેકશનની અછત થશે તો RMO પ્રાયોરિટીનાં આધારે આપશે. કોવિડના ઇન્જેકશનનાં થતાં કાળા બજાર અટકાવવામાં આવે તેવી પણ આ તકે તેમણે સરકાર સમક્ષ માંગણી કરી છે. બીજી તરફ RTPCR નાં ટેસ્ટ માટે લેબોરેટરીમાં થતાં ટેસ્ટના રિપોર્ટની વિશ્વસનીયતા ઉપર શંકા કરી હતી અને કેટલાક લેબ દ્વારા કોરોના RTPCR ટેસ્ટનો રિપોર્ટ 3 કે 4 કલાકમાં આપે છે જયારે RTPCR ટેસ્ટ માં 8 થી 10 કલાક ની પ્રક્રિયા બાદ તેના રિપોર્ટ તૈયાર થઈ શકે છે તો 3 થી 4 કલાક માં RTPCR નો રિપોર્ટ આપનાર લેબોરેટરી સામે પ્રશ્નાર્થ ઊભા કર્યા હતા અને તંત્રને તાકીદે આ અંગે તપાસ કરવા સૂચનો કર્યા હતા.

ઉપરાંત ભરૂચમાં કોરોનાનાં ચોવીસ કલાકમાં મૃત્યુ દરનાં આંકડા ડબલ ડીઝીટમાં આવતા થયા છે ત્યારે મૃત્યુ આંક 14 થી 15 અને હાલ પણ સ્મશાનમાં 6 થી 7 મૃતદેહો જોવા મળે છે. ત્યારે તંત્ર દ્વારા તકેદારી રાખવામા આવે દર્દીઓની વ્યવસ્થિત સાર સંભાળ લેવામાં આવે તેવી સરકાર સમક્ષ માંગણી કરી છે.