ભરૂચ જિલ્લા યુવા કોંગ્રેસનાં મહામંત્રી વસીમ ફડવાલા દ્વારા નાયબ મુખ્યમંત્રીને પત્ર લખી રજુઆત કરાઇ.

ભરૂચ જિલ્લાની મેડિકલ સુવિધાઓ વધારવા રાજ્યના નાયબ મુખ્યમંત્રી નીતિનભાઈ પટેલને પત્ર લખી ભરૂચ જિલ્લામાં આરોગ્યલક્ષી સુવિધાઓમાં વધારો કરવામાં આવે તેમજ દવાઓ અને ઇન્જેકશનોની જે કાળાબજારી થઇ રહી છે તેને અટકાવી અંકુશ લાવવામાં આવે અને રેમીડીસીવર ઇન્જેકશનના જથ્થામાં વધારો કરવામાં આવે જેથી સામાન્ય વ્યક્તિને પણ નિયત કિંમત મુજબ દવાઓ મળી રહે, હોસ્પિટલોમાં બેડની સંખ્યામાં વધારો કરવામાં આવે તેમજ વેન્ટિલેટર અને ઓક્સિજન સેટમાં વધારો કરવામાં આવે જેથી દર્દીઓને સહેલાઇથી મળી રહે એવી વિવિધ લોકહિતની રજુઆત સાથે જિલ્લા યુવા કોંગ્રેસના મહામંત્રી વસીમ ફડવાલા દ્વારા ગુજરાત રાજ્યના નાયબ મુખ્યમંત્રી નીતિનભાઈ પટેલને પત્ર લખી અપીલ કરાઈ.