ભરૂચ જીલ્લામાં નગરપાલિકામાં વિવિધ સમિતિનાં ચેરમેનની વરણી કરવામાં આવી હતી જેમાં કુલ 13 સમિતિનાં ચેરમેનની નિમણૂક કરવાની હોય છે.
ભરૂચ નગરપાલિકાનાં સૂત્રોનાં જણાવ્યા અનુસાર વિવિધ સમિતિઓમાં ચેરમેનની વરણી કરવાની હોય આ વર્ષે શહેરોમાં ચહેરાઓ રિપીટ કરવાને બદલે ભરૂચ નગરપાલિકાની વિવિધ સમિતિઓમાં નવા ચહેરાને સ્થાન આપવામાં આવ્યું છે જેમાં કારોબારી સમિતિનાં ચેરમેન તરીકે નરેશભાઇ સુથારવાલા, ફાયનાન્સ એન્ડ ટેક્ષેશન સમિતિમાં તિનેશભાઈ મિસ્ત્રી, કાયદા સમિતિમાં વિશાલ વસાવા, ફાયર એન્ડ મોટર ગેરેજ સમિતિમાં ચેતન રાણા, સમાજ કલ્યાણ સમિતિમાં શિલાબેન વણકર, એસ્ટાબ્લીસ મેન્ટ સમિતિમાં અંજનાબેન ઝાલા, લાઇટ સમિતિમાં પ્રવીણભાઈ પટેલ, સેનેટરી સમિતિમાં ચિરાગભાઈ ભટ્ટ, શોપ્સ એન્ડ એસ્ટાબ્લીસ મેન્ટ સમિતિમાં અક્ષય પટેલ, મેડિકલ સમિતિમાં વિશ્રુતિબેન દૂધવાલા, વોટર વર્કસ એન્ડ ગટર સમિતિમાં હેમેન્દ્રભાઈ પ્રજાપતિ, પબ્લિક વર્કસ સમિતિમાં હેમુબેન પટેલ, બાગ-બગીચા, રમત-ગમત- સાંસ્કૃતિક સમિતિમાં ભારતિબેન વસાવાની ચેરમેન તરીકે વરણી કરવામાં આવી છે. આ નિમણૂકને ભરૂચ નગરપાલિકાનાં તમામ સભ્યોએ આવકારી છે.
