બનાવ અંગેની પ્રાપ્ત માહિતી અનુસાર વાગરા નજીક આવેલ વિલાયત જીઆઇડીસી વિસ્તારમાં આવેલ આદિત્ય બિરલા ગ્રાસીમ કંપની ખાતે આજે બપોરના સમયે અચાનક એકાએક આગ ભભૂકી ઉઠતા ભારે દોડધામના દ્રશ્યો સર્જાયા હતા.
અચાનક લાગેલ આગના પગલે આગના ધુમાડા કિલોમીટરો દૂર સુધી જોવા મળતા સ્થાનિક લોકોના જીવ તાળવે ચોટયા હતા, ઘટના પગલે ફાયર વિભાગને જાણ કરવામાં આવતા ૪ થી વધુ ફાયર ફાઈટરોએ તાત્કાલિક સ્થળ પર પહોંચી આગને કાબુમાં લેવાના પ્રયત્નો શરૂ કર્યા છે, તો બીજી તરફ વાગરા પોલીસ પણ ઘટના સ્થળે પહોંચી છે.
હાલ આ આગ ક્યાં કારણોસર લાગી છે તેમજ આગમાં કોઈ જાનહાનિ છે કે કેમ તે અંગે સત્તાવાર કોઈ માહિતી પ્રાપ્ત થઇ નથી પરંતુ કંપનીમાં લાગેલ આગને જોતા મોટા નુકશાનનું અંદાજ લગાવાઈ રહ્યું છે.
Advertisement
