ભરૂચમાં દારૂબંધીના ઉડયા ધજાગરા, શક્તિનાથ વિસ્તારમાં આવેલ સરદાર શોપિંગની દુકાનો બહાર ખાલી બોક્સ અને બોટલો ઓફિસના નકુચા સાથે કોઈક તત્વો લગાવીને જતા રહેતા ચકચાર મચ્યો હતો, મહત્વનું છે કે નગરપાલિકા સંચાલિત આ શોપિંગ સેન્ટર જાણે કે નશાબાજ તત્વો માટે આશીર્વાદ રૂપ બન્યો હોય તેમ લાગી રહ્યું છે.
આ શોપિંગમાં અનેક વેપારીઓ પોતાનો ધંધો રોજગાર કરે છે તેમજ અહીંયા ટ્યુશન કલાસીસ પણ આવેલા છે ત્યારે સાંજે અને રાત્રીના સમયે નશાબાજ તત્વો અહીંયા સક્રિય થતા હોય તેવી બાબતો પણ સમગ્ર મામલા બાદથી ચર્ચાનું કેન્દ્ર બની છે.
હાલ સમગ્ર ઘટના અંગે સ્થાનિક ઓફિસના એક નાગરિક દ્વારા આ ખાલી દારૂની બોટલો અને તેના લેબલોના ફોટો સોશિયલ મીડિયામાં લોકો વચ્ચે મૂકી શોપિંગમાં રાત્રીના સમયે દારૂની મહેફિલો જામતી હોવાની સાબિતી આપી હતી, જોકે આ પ્રકારના કૃત્ય ક્યાં તત્વોએ કર્યુ છે અને ક્યાં લોકો પાલીકા સંચાલિત આ શોપિંગમાં પાર્ટીઓ કરી નશાનો આનંદ લે છે ભરૂચના વિસ્તારમાં અવારનવાર બનતી ઘટનાઓને કારણે ભરૂચ પોલીસ અને એ ડીવીઝન પોલીસ જાણે ઘોર નિંદ્રામાં હોય તેવું જણાઈ રહ્યું છે.
